From the Ngāti Rangi Trust Lead Negotiator Che Wilson - 15 o Poutūterangi 2017
Kia hiwa rā! Kia hiwa rā!
Tēnei a Ngāti Rangi te pāho atu nei ki ngā uri me ngā iwi puta noa i te motu, i te ao e huri nei i ngā rongo o te wā, me kī, kua tatū te Whakataunga Iti mō ngā take Tiriti i waenga i a Ngāti Rangi me te Karauna.
I tīmata ngā whiriwhiringa kōrero i waenga i a Ngāti Rangi me te Karauna i He Tanguru (Pepuere) 2015 me te āta wetewete i ngā kōrero kia hua mai tēnei ka tū whakataunga.
Ahakoa kei te whiriwhiri tonu hētehi o ngā wāhanga o te kaupapa nei, heoi, kei te hari koa a Ngāti Rangi, ka whakahokia mai te takere o hō mātau roto tapu o Rotokura me ngā ka tū hua e pā nei ki te mana ā-iwi, ki te taiao, ki ngā mahi hāpori me ngā pūtea hei painga mō te iwi.
Heoi, ko ngā mea matua,
- E whakaae ana te Karauna, he mana motuhake tō Ngāti Rangi. He mea whakahirahira tēnei mā Ngāti Rangi kia whakatairanga i te rangawhenua ake o Ngāti Rangi i te ao; a
- Kua tīmata hoki te whakaraupapatanga i ngā hītori tika o Ngāti Rangi me te Karauna kia kore ai e tūohu pēnei ki ngā tau ki muri nei. He mea nui tēnei kia ea te mamae kua roa nei e aupēhi ana i a Ngāti Rangi.
E te iwi, he tīmatanga tēnei kia ara anō te ua o Ngāti Rangi ake kia whiti mai te mārama i hēnei ka tū rongo papai.
Me he pātai, whakapā atu ki a Che Wilson.
Terea te kaupapa ki ngā ia o te wā, hoea!
Nā mātau ngā Kaiwhiriwhiri me ngā Kaitarati o Ngāti Rangi
To view the press release please click HERE